محترفي الإعلاميات محترفي الإعلاميات

آخر الأخبار

جاري التحميل ...

6 طرق لزياده التفاعلات على صفحتك على الفيسبوك


زياده التفاعلات على صفحتك على الفيسبوك
زياده التفاعلات على صفحتك على الفيسبوك

لو عندك صفحة على أي شبكة من الشبكات الإجتماعية وعايز تعرف إزاي تكتر عدد المشاركات عليها، النهاردة هنتكلم عن انواع من المحتويات ممكن تكتر عدد المشاركات على صفحتك.
فيه 6 أنواع من المحتوى ممكن تنزله على صفحتك واللي هم :
  • الصور
  • النصوص
  • الفيديو
  • محتوى الآخرين
  • مشاركة من على موقعك
  • المدونات الصوتية
زياده التفاعلات على صفحتك على الفيسبوكولكن في أغلب الأوقات بيكون الصور هي المحتوى المهيمن عن باقي الأنواع، ولكن  النصوص أو “Text” بتلعب دور كبير قوي في زيادة عدد المشاركات على البوست بتاعك. مثلا عندك تويتر أغلبية المشاركات عليه بالكلام بس وعندك على الفيسبوك  البوست اللي بيبقى كلام بس بيوصل لعدد ناس أكبر بس الناس بتحب الصور أكتر وبتتفاعل معاها أكتر . المفروض يكون عندك خليط من أكتر من نوع في البوست بتاعك. لكن النهاردة هنركز على البوست الكلامي بس.
طبعا بتسأل نفسك هو فيه انواع للبوست الكلامي ده واللي ممكن تكتر عدد التفاعلات الناس عليه من غير ميبقى فيه صورة فالبوست؟
الإجابة هي أه في 6 أنواع ممكن تزود عدد التفاعلات والمشاركات على البوست بتاعك.
  • الأسئلة:

أكتر نوع من الأنواع الستة اللي بتجيب مشاركات كتير لانك بتخلق روح المشاركة عند اللي بيشوف البوست ده. زي مثلا أنك تسأل عن ايه أكتر المواقع الإجتماعية الي الناس بتحب تدخل عليها بس الفكرة هنا مش السؤال ايه الفكرة هو ازاي تسأل السؤال.
أهم حاجة وإنت بتسأل السؤال إنك  تخلي السؤال صغير على قد ماتقدر وبسيط يعني أي حد يقدر يفهمه وفي الموضوع بالضبط، مثلا “ما هي أفضل طريقة لقراءة كتاب؟”
  • الاختيارات

النوع التاني هو أسئلة بردو بس بالاختيارات، النوع ده مهم جدا لانك بتخلي الناس أكثرعرضه للاجابة على السؤال أو للتفاعل على البوست بتاعك . أنت مثلا مش بتفضل أكثر أنك تحل امتحان أسئلته كلها اختيارات؟ هي هي نفس الفكرة علشان النوع ده من الأسئلة مش بياخد وقت أو محتاج تفكير كتير من الناس للرد عليه.  بس برده متنساش تخلي السؤال صغير وبسيط وفالموضوع  زي مثلا  “الفيسبوك ولا تويتر؟”
  • الإقتباس

ساعات الناس بتدور على حاجة تحفزهم أو حاجة تعلمهم، الإقتباسات هي وسيلة بسيطة لتحفيز وتعليم الناس. وفيه انواع كتيرة قوي من الأقتباس زي مثلا  أقتباس  في مجال الأعمال أو عن النجاح وزيها كتير لكن اجيب منين الحاجات دي ؟
عندك أكثر  من مكان ممكن تجيب من عليها أقتباسات ممكن مثلا من جوجل أو تطبيقات على الأيفون أو لو شفت واحد كاتب حاجة عاجباك ممكن تعملهاSave  وتنزلها على صفحتك بس أفتكر أنك تنزل أسم اللي كَتب الكلام ده في البوست بتاعك علشان محدش يقول عليك بتسرق كلام الناس وتنسبه لنفسك.
  • النصائح

النصيحة هي  أبسط طريقة ممكن تعلم بيها الفانز بتوعك  لكن إزاي تجيب نصائح ممكن ثم الفانز بتوعك  فيه طريقة  إنك ممكن  تشوف إيه أكتر اسئلة ممكن الناس تسألهلك في المجال اللي إنت بتشتغل فيه  وتجاوب عليها بس بطريقة نصائح تديها للفانز بتوعك لان التعليم عن طريق اعطاء النصائح بيزود مصداقيتك عند الناس.
  • ملء الفراغات

النوع ده هو إنك تسأل سؤال بس بتسيب مكان فاضي الناس تكتب مكانه اللي هم شايفينه زي بالضبط اسئلة “أكمل مكان النقاط “اللي كنا بنشوفها في الامتحانات واحنا صغيرين والنوع ده هو شبيه قوي بأنواع الأسئلة لانها بسيطة  وبتخلق روح المشاركة عند الناس زي مثلا  ” موقعي الأجتماعي المفضل هو ____________.” ” أنا أضحك في كل مرة أفكر ______”  ولكن خلي بالك متسألش سؤال تكون الإجابة حاجة مفتوحة جداعلشان محدش يجاوب  اجابات سيئة أو  فيها اهانة لحد .
  • التوصيات

في أي وقت ممكن تظهر فيه شغلك عن طريق إنك تكتب توصيات عملاءك على صفحتك لأن ده دليل على نجاحك  وبيزود مصداقيتك عند الناس . وفيه ترك كتير علشان تنشر توصيات عملاءك على صفحتك اللي أنا عايز اوصله إن لو حاططها بالكلام بس بتجيب نتيجة زيها زي أي طريقة تانية .
جرب الطرق دي ولو جابت معاك نتيجة شاركنا بيها في قسم التعليقات  في الأسفل.

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

محترفي الإعلاميات

2020